A Cía. Cachirulo, creada en 1985, caracterízase por unha rica produción de espectáculos que combina textos clásicos con autorías propias dunha gran variedade técnica: marionetas de fío, luva chinesa, bunraku, monicreque, sombras, obxectos e teatro de rúa.
Máis de trinta montaxes que percorreron os escenarios de numerosas programacións e festivais internacionais de Europa e América obtendo importantes premios.
“Xeado de Lúa”… Unha noite de verán un pastor noviño entrou no bosque buscando unha ovella que se lle perdera. Andaba veña dar voltas e voltas e de súpeto decatouse que estaba el tamén perdido. Como non atopaba o camiño para saír do bosque acomodouse xunto ao tronco dunha árbore ven grande.
As cousas que logo sucederon no sabería dicilas con certeza , se foron vividas ou soñadas…
Ficha
-Dirección:Jorge Rey
-Público: Infantil a partir de 2 anos.
-Prezo: 2.5 euros.
-Patrocina: Rede de Teatros e Auditorios, AGADICS, Xunta de Galicia (Consellería de Cultura ).