Ao longo do día haberá diversas actividades como manualidades infantís e confección dun mural a partir das 10:30 horas; xogos infantís, pintacaras… amenizados por Medio Quinhón ás 16:00 horas. A sesión vermú, prevista para as 12:30 horas, estará amenizada por Batuko Tabanka e Rabentola. Por esta xornada tamén pasará o Mago Senín a partir das sete da tarde. Xa ás 20 horas terá lugar unha charla coloquio Refuxiados Sirios, ofrecida polo voluntario Óscar Palleiro e a continuación música co gaiteiro David Bellas coa súa peza Lamento por Siria. E xa ás 22:00 horas haberá Foliada cos grupos Ledicia e Timbais.
Angélica Gómez sinala que “durante todo o día haberá un mercadiño solidario, recollida de material (roupa non), doazóns económicas, que irán destinadas aos custes de envío e compra de alimentos frescos”.
A edil socialista agradece “a todos e todas as artistas e voluntarios o seu entusiasmo e a súa colaboración neste proxecto”.
Emigrantes retornados
Por outra banda, o Programa de Atención a Inmigrantes da Concellería de Inmigración e Cooperación informa que ata o 31 de agosto está aberto o prazo para solicitar a axuda da Secretaría Xeral de Emigración para Emigrantes Retornados/as emprendedores/as, axudas que son compatibles coas que ofrece a Consellería de Economía, Emprego e Industria e Igape. Esta convocatoria é unha oportunidade importante para todos aqueles que queiran situar fisicamente a súa empresa en Galicia.