Ribadeo, 21 de xuño de 2016.- O vindeiro xoves, 23 de xuño, ás 17 horas terá lugar no salón de plenos do Concello de Ribadeo a entrega de premios do Ribadeo de tapeo 2016.
O público elixiu como a mellor tapa “A tentación de Eva” do hotel restaurante La Villa e como a mellor barra a do Bar Queimada, segundo deu a coñecer este martes ao mediodía a Concellaría de Desenvolvemento Local, Turismo e Comercio. Ambos locais recollerán os seus galardóns este xoves ao igual que o resto das tapas gañadoras da XI edición do Ribadeo de tapeo. Un xurado profesional decidiu que a tapa do AG Porcillán fose a gañadora neste 2016, o segundo posto foi para a de A Mirandilla e o terceiro para a de Casa Pepe-Piano. O premio da tapa de Ribadeo foi para La Solana.
O Concello tamén realizou nas últimas horas o sorteo de agasallos entre as persoas que completaron as diferentes rutas do Ribadeo de tapeo. Todas, un total de 16, recibirán os seus premios no acto que terá lugar o vindeiro xoves no salón de plenos.