Tras a finalización das series clasificatorias Gabriel situábase en primeiro lugar con 642 puntos sobre os 720 de máxima; 11 puntos máis que os obtidos na última competición na que participou (segundo encontro de Liga Nacional en Madrid, na que se facía co primeiro posto tras as eliminatorias). Pola súa banda, Francisco situábase en quinto lugar con 41 puntos máis que na súa última actuación no segundo encontro de liga, aínda así os 527 puntos non foron suficientes para pasar ás eliminatorias en cuartos de final.
Gabriel vencía sen dificultade as dúas eliminatorias que lle correspondían proclamándose vencedor na categoría de cadetes. Mentres que o seu compañeiro Francisco participaba no trofeo secundario (para todos os porteiros que non pasaban a cuartos de final) facéndose coa terceira praza.
Ana Maria Briones Montes participaba na modalidade de arco recurvo, na categoría sénior, finalizando tras as series clasificatorias en segundo posto. Pasaba a cuartos de final nas eliminatorias perdendo o seu primeiro encontro ante a representante do Club Arco Narón, Fátima Silvent. No seu segundo encontro de eliminatorias vence á compañeira desta última María García, facéndose coa terceira praza.