O pasado mércores 22 de xuño, entregáronse na biblioteca do IES Perdouro de Burela os premios do X Concurso de relato curto e poesía e do VIII Concurso de imaxe convocados anualmente pola Asociación Cultural “Os Matos” cuxo lema foi “O meu avó, a miña avoa”. Antón Niñe, presidente da A.C. “Os Matos”, felicitou aos premiados desta décima edición do certame. Karina Parga, encargada da biblioteca, e Santiago Pérez, Director, entregaron os diplomas e uns agasallos. As obras gañadoras pódense ler no número da revista escolar “Maruxía” deste curso.
