Viveiro, 28 de xuño de 2016.- O pasado fin de semana celebrouse na cidade de Elche, o Campionato de España de Pista Cuberta de Veterans, cunha participación de 1075 atletas dos clubes de toda España. O C.D. Egovarros de Viveiro estivo representado por dous dos seus mellores atletas, José Vicente Rioseco en M75 que viña de batir o record do mundo, na proba de 5000 metros logrou a medalla de ouro e logrando tamén a medalla de ouro na proba dos 800 m e batindo o record de España e quedándose a tan só 5 segundos de batir o record de Europa; a súa compañeira de clube Begoña de Arriba, quedou terceira clasificada na proba de 5000 metros batindo o record galego e fíxose coa medalla de prata na proba de 1500 metros.
O seguinte campionato que disputarán será o galego de 5 km en ruta a celebrar na localidade coruñesa de Curtis o vindeiro sábado día 2 de xullo.
