A edil de Educación explicou este martes que “a Anpa do colexio de Cervo retirou partes dos baños de dúas clases de Infantil. Foi nunha xornada na que se xuntaron varios padres e membros da Anpa, entre eles Mari Luz Álvarez, Remedios Fernández e María José Iglesias. Tamén estiveron Benedicto García, Benedicto Fernández e Antonio Abad, pais e avós de nenos e nenas do colexio que colaboraron na maior parte da obra e aos que a Anpa lles agradece a súa colaboración. A asociación de nais e pais leva a cabo este proxecto aportando o material necesario para a obra, valorado en 5.000 euros aproximadamente, e o Concello executará a obra nos próximos días para que en setembro estea rematada a instalación dos baños renovados”.
Dolores García destacou que “o Concello de Cervo colabora con todas as iniciativas das Anpas dos colexios, xa que considera que ten gran importancia apoiar a etapa escolar”.