O PP sube en número de votantes, pero mantense a representación lucense: 2 PP + 1 PSdeG-PSOE + 1 EnMarea

Co 99,56 % do escrutinio realizado, o PP aumenta a súa vitoria nas eleccións deste 26X con 137 escanos dos 350 do Congreso fronte aos 123 acadados o 21D. Pola súa banda, o PSOE con 85 perde 5 representantes na cámara baixa. Unidos Podemos e as súas confluencias (entre as que se atopa EnMarea) suma 71 deputados -os mesmos que en decembro a suma de Podemos -e as súas confluencias- 69 máis Unidad Popular (Esquerda Unida)que lograra 2 escanos. Ciudadanos cae dos 40 aos 32 representantes.

En Galicia, co 99,54% escrutado, vence o Partido Popular ata lograr 12 deputados, dous máis que en decembro, que arrebata a EnMarea e Ciudadanos que se quedan, respectivamente, con 5 e ningún representante na cámara baixa. O PSdeG-PSOE logra manter os seus 6 deputados electos.

A provincia de Lugo contará co mesmo número de representantes de cada partido no Congreso: 2 PP -Joaquín García Díez e Jaime de Olano-, 1 PSdeG-PSOE – Margarita Pérez Herraiz- e 1 En Marea -Miguel Anxo Fernán Vello-. Con todo, PSdeG-PSOE e EnMarea perden número de votantes; mentres que o Partido Popular aumenta.