Segundo explican as monitoras de Gaia “coa mirada pódese percorrer o litoral gozando e observando a paisaxe e os cantís. Esta actividade propón aos participantes unha ruta gozando dunha paisaxe e de zonas verdes co obxectivo de poñer en valor o patrimonio ambiental. O obxectivo fundamental é sensibilizar aos cidadáns e neste caso ao público infantil sobre os valores e a importancia de conservar e poñer en valor esta fermosa zona litoral”.
A concelleira de Medio Ambiente, Noelia Ben, recalca que “a riqueza das paisaxes constitúe un valioso patrimonio, importante á súa vez para a identidade cultural do noso municipio e para gozar dunha maior calidade de vida dos cidadáns e visitantes e desenrolando actitudes de respeto,cuidado e responsabilidade de cara á súa conservación”.
