Cervo, 5 de xullo de 2016.- O mércores 6 de xullo estará cortada ao tráfico de vehículos a estrada provincial que pasa polo centro de Cervo, á altura da Praza do Souto. O motivo desta interrupción da circulación é a realización de traballos de reparación, que se prolongarán durante toda a mañá.
O alcalde de Cervo, Alfonso Villares, anunciou que “este mércores, durante toda a mañá, vai estar cortada a estrada que pasa polo centro de Cervo, á altura da Praza do Souto”.
O rexedor cervense explica que “vai estar cortada por unhas reparacións que se van acometer nesta calzada”.
Alfonso Villares subliña que “polo tanto que saiban todos os veciños e todas as persoas que habitualmente transitan por esta estrada provincial que van ter lugar estes traballos de mantemento desta vía”.