Cervo, 14 de xullo de 2016. O pleno da corporación municipal de Cervo celebra este xoves a partir das 19:00 horas, un pleno extraordinario no que se presenta a aprobación un convenio asinado coa Xunta de Galicia para o remate do equipamento do centro de día e residencia de maiores construído en San Ciprián. Ese convenio recolle un investimento de 160.000 euros, dos que 10.000 son aportados polo Concello, e o resto correrá a cargo da administración autonómica en dúas anualidades. Este xoves visitaron as instalacións do centro o alcalde, Alfonso Villares; a concelleira de Servizos Sociais, Pilar Armada; e Belén Rivas, de Brec Arquitectura, que é a empresa autora do proxecto.
O alcalde salientou que “neste pleno imos traer varios asuntos, entre eles destaca un importante, que é o convenio de colaboración entre a Xunta de Galicia, neste caso a través da Consellería de Política Social, e o Concello de Cervo para o equipamento do centro de día que está situado en San Cibrao”.
O rexedor cervense explica que “en virtude deste convenio a Consellería concede ao Concello unha subvención por un importe de 150.000 euros para a adquisición do equipamento, destes van ser 65.000 euros para esta anualidade do 2016 e 85.000 euros para o exercicio do 2017”.
Alfonso Villares engade que “neste convenio desde o Concello de Cervo tamén nos comprometemos a facer un achegamento para este financiamento a través dunha cantidade de 10.000 euros. Un importe total de 160.000 euros que se van destinar para acabar o equipamento mobiliario deste centro de día e residencia”.
O alcalde de Cervo comentou tamén que “o asunto temos que lévalo ao pleno para facer unha excepción aos límites que un artigo do texto refundido da lei reguladora de facendas locais obriga a que sexa o pleno quen permita facer esta excepcionalidade”.
Villares concluíu destacando que “é un asunto moi importante para que saiban os veciños que este centro de día e residencia que temos en San Cibrao está dando pasos e este é un dos últimos antes da súa posta en funcionamento”.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
