Continuando coas actividades de Mércores de Natureza no Vicedo este 20 de xullo está prevista unha ruta de sendeirismo pola parte media do Río Sor partindo do albergue O Abeiro, en Mañón, descendendo ata o río Sor chegando á zona de Ponte Segade para continuar, río abaixo, ata a fervenza de Auga Caída e retornar ata o punto inicial. É unha ruta de dificultade media-baixa que consta duns 13 km. O punto de encontro será a Casa da Cultura do Vicedo desde onde os participantes se desprazarán en coches particulares ata Mañón. O horario aproximado de saída da ruta é as 10.15 horas. A actividade é gratuita. Recoméndase levar calzado axeitado para camiñar pola beira do río. Máis información e inscrición: 982 59 01 95.