Unha ducia de nenos e nenas participaron o pasado venres pola tarde no primeiro laboratorio creativo impartido no Eido Dourado, en Barreiros

O obxectivo destas experiencias artísticas é que @s nen@s se acheguen ao Eido dun xeito máis natural. “Os asistentes traballaron as artes plástcas con obxectos de papel e fixeron debuxos e mensaxes, que se converten nunha instalación no Eido Dourado”, segundo explica Lucía Vila, a persoa que está a impartir estes talleres.

Os vindeiros laboratorios creativos no Eido Dourado terán lugar o mércores, 3 de agosto, ás seis da tarde, e o xoves, 4 de agosto, ás doce da mañá. A duración será duns 50 minutos. Lucía Vila engade que “se confeccionarán máis grupos ao longo do mes de agosto e adaptándonos aos horarios da xente que queira participar dos nosos laboratorios. Lembrar que os laboratorios non son solo para nenos, que tamén temos oferta para maiores, sempre e cando se forme grupo”.