Dentro do programa de obradoiros e actividades de verán que oferta o Museo Provincial do Mar de San Cibrao, este xoves 11 de agosto tivo lugar o taller Un percorrido gastronómico para encher o bandullo. Numerosos cativos da localidade e que pasan as vacacións na Mariña, realizaron un percorrido histórico pola evolución da gastronomía de Galicia ata as novas tendencias da cociña actual. Coas súas propias mans elaboraron un biscoito «fugaz» e varios pratos saudables e imaxinativos.
