Ramón Ermida Meilán presenta o seu derradeiro libro “Mortos por amor á Terra. A represión sobre o nacionalismo galego (1936 – 1950)”. O acto terá lugar este venres 19 ás 21.00 horas na praza Conde de Fontao, coincidindo coa Feira do Libro de Foz. O acto contará coa presenza do autor, o historiador Xoán Ramón Fernández Pacios e o representante da editorial Xoán Costa. A publicación recolle un traballo de investigación histórica sobre diversos aspectos da represión franquista en Galiza, con importantes referencias aos feitos acontecidos en Foz e no conxunto da Mariña.