Activistas do BNG colocaron pancartas ao paso da “Vuelta ciclista” despois do paso polo casco urbano de Burela no acceso pola Areoura á estrada de competencia estatal N642 reclamando “darlle unha volta ás estradas da comarca” para visualizar o atraso de case dez anos nas infraestruturas por estrada previstas, o firme das vellas en mal estado, e o desprezo pola comunicación por ferrocarril en toda a franxa do cantábrico galego.
De pouco valen os rebacheos de última hora na N642 para un momento puntual, si cando chegue o inverno volveran aparecer as fochancas e seguirán as limitacións de velocidade nas travesías entre Ribadeo e Viveiro supoñendo unha hora para un traxecto de 66 kms, o mesmo que tardarán os ciclistas en facelo hoxe, afirmou a responsábel comarcal Ana Ermida Igrexas.
Ana Ermida criticou o a lentitude e abandono das novas e vellas infraestruturas por estrada na comarca, “os portavoces do PP venderán como positiva a apertura do tramo San Cibrao – Celeiro da VAP a Ferrol que nacerá como unha vía morta sen continuidade cara oriente e occidente e obviarán a paralización da variante de Viveiro paralizada en 2009”, calarán sobre a anulación cos seus votos e os do PSOE de calquera posibilidade de mellora no plano ferroviario europeo no norte galego aprobada fai anos, e virán vender un acceso ao peirao de Burela durante anos paralizado”.
A Mariña debe sacar tarxeta vermella o 25 de setembro a eses representantes políticos que desprezan o potencial económico dunha comarca como a nosa, que a pesar das carencias en infraestruturas loita por manter o estatus de representar case o 35% do PIB provincial, con sectores produtivos que resisten o abandono e o acoso político impulsado pola institución europea e o estado español co visto e prace do desgoberno do PP na Xunta de Galiza.