Cara as nove e media deste sábado 27 de agosto quedará restablecido o subministro de auga en San Cosme, segundo acaba de informar o alcalde de Barreiros, Alfonso Fuente. O centro de San Cosme e tamén a zona da praia da mesma parroquia estiveron sen auga ou con moi pouca desde primeiras horas desta mañá, por mor dunha fuga que se produciu a carón da vía do tren, na estrada que baixa á praia e que foi detectada ao longo deste sábado. O Concello traballa para restablecer o servizo o antes posible.