Os seguintes clasificados foron, por esta orde, 747 Gerlom, 747 Promar, Capricho, Tsunami, Bip, Lola, Pabana, Brent, Mascalzone, Mannesman e Xelón. Madeiro e Catalamar tiveron que retirarse.
Sobre esta proba o presidente do Real Club Náutico de Ribadeo, Ramón Acuña, explicou que “o vento apertou forte na segunda manga e afortunadamente os patróns deron boa conta da súa pericia para que non houbese que lamentar ningún contratempo”.
Esta foi a última regata da XXVI Semana Náutica Ría de Ribadeo e a entrega de trofeos de todas as probas disputadas está programada para este sábado, día 13, ás 20.00 horas no salón do Real Club Náutico ribadense.