Ferreira, 16 de agosto de 2016. Do 19 de agosto ao 11 de setembro terán lugar as VIII Xornadas do Bonito en hotel Vila do Val.
A directora do establecemento, María Hermida, destaca que “as xornadas serán todos os días da semana, tanto á comida como á cea. Estamos en plena campaña do bonito e no hotel Vila do Val non quixemos faltar a esta cita, que chega xa á súa oitava edición”.
As persoas que se acheguen ao Vila do Val poderán saborear o bonito nalgunha das catro preparacións realizadas: á planta, en rolo, con pisto e á faraona. O prezo do prato de bonito será de 11 euros. O teléfono para reservas é o 982 57 16 53.
María Hermida anima “a achegarse a Ferreira a tomarse un bo prato de bonito e a coñecer esta zona da Mariña lucense. As comunicacións son boas e no Vila do Val sorprenderémoslles coas nosas propostas gastronómicas, coa nosa terraza á beira do río”.