Son os municipios de Vilalba, A Pontenova, Lugo, Friol, Trabada, As Nogais, Xermade, A Pastoriza, Pantón, Ribas de Sil, A Pobra do Brollón, Pol, Lourenzá, Abadín, Becerreá, Monforte de Lemos e Baleira.
As obras que xa se están a executar son as seguintes:
– Becerreá: rehabilitación do firme LU-P-0707, de Armesto, por Tores, Ás Nogais. Estase a rematar a segunda fase destas actuacións de 500.000 euros. A primeira fase, xa finalizada, contou con outro medio millón de euros.
– A Pobra do Brollón: rehabilitación do firme da LU-P-4713, da Pobra do Brollón á LU-652, en Cereixa, entre os puntos quilométricos 0 e 2,080. Conta cun orzamento de 20.000 euros.
– Monforte de Lemos: rehabilitación do firme da LU-P-3202, de Monforte de Lemos a Currelos, entre os puntos quilométricos 0,100 e 2,207. Conta cun orzamento de 23.000 euros.
– Lugo: acondicionamento da estrada que transcorre dende a Ponte Romana á Igrexa de San Lázaro, no Club Fluvial, con 55.000 euros. Tamén executa as obras de mellora do firme do paseo do Río Rato con 35.000 euros.
As vindeiras obras que a continuación arrancarán, pois xa están en marcha os procesos de contratación, son as seguintes:
– Pantón: rehabilitación do firme da LU-P-4109, de Ferreira a Goián, entre os puntos quilométricos 0,000 e 2,090. Conta cun orzamento de 127.900.
– Vilalba/Xermade: rehabilitación do firme da LU-P-6513, de Vilalba a Camposo de Fozo de Penamaior e rampla a Xermade, entre os puntos 10,220 e 12,200. Conta cun orzamento de 140.245 euros.
– Lourenzá: rehabilitación do firme da LU-P-3006, de Santo Tomé, por San Adriano e Augasoxa, a Mazo, entre os puntos quilométricos 2,900 e 6,255. Conta cun orzamento de 268.425 euros.
– Baleira: rehabilitación do firme da LU-P-0403, dende a LU-530, por rego de Pereira, a Quintá, entre os puntos quilométricos 4,560 e 5,800. Contan cun orzamento de 76.345 euros.
– Abadín: ensanche e rehabilitación do firme da LU-P-0102, de Fontevella ao Carrizal, entre os puntos quilométricos 2,700 e 3,912. Conta cun orzamento de 372.088 euros.
– Friol: rehabilitación do firme da LU-P-2101, de Friol A Parga, entre os puntos quilométricos 5,940 e 9,300. Conta cun orzamento de 300.012 euros.
Mañá o Goberno da Deputación aprobará na Xunta de Goberno iniciar o proceso de contratación das seguintes obras para a súa vindeira execución:
– Lugo: rehabilitación do firme da LU-P-2904, de Conturiz a Páramo, entre os puntos quilométricos 0,000 e 2,900. Conta cun orzamento de 189.677 euros.
– Vilalba: rehabilitación do firme da LU-P-6502, de Vilalba por A Balsa a Chavín, entre os puntos quilométricos 14,670 ao 15,490. Conta cun orzamento de 72.069 euros.
– A Pontenova: rehabilitación do firme da LU-P-1904, de Fonsagrada a Pontenova, entre os puntos quilométricos 16,500 e 27,570. Conta cun orzamento de 295.725 euros.
– Trabada: rehabilitación do firme da LU-P-5204, de Cedofeita, por Arante e Vidal, a Regocorto, entre os puntos quilométricos 6,757 e 9,787. Conta cun orzamento de 197.441euros.
– Pol: rehabilitación do firme da LU-P-4603, de Torneiros, por Hermunde, a Pol, entre os puntos quilométricos 3,510 e 5,010. Conta cun orzamento de 86.470 euros.
– Ribas de Sil: rehabilitación do firme da LU-P-5303 de San Clodio, por Torbeo, ao limite provincial, entre os puntos quilométricos 1 e 2,485; 3,875 e 9,100; 12,700 e 16,150. Conta cun orzamento de 524.087.
– A Pastoriza: rehabilitación do firme da LU-P-3006, de Meira a Pastoriza, entre os puntos quilométricos 1,920 e 2,831. Tamén na LU-P-4404, de Riocabo, por Piñeiro e Aldurfe, ás Rodrigas, entre os puntos 0 e 9,825. Estas dúas actuacións contan cun orzamento de 588,465 euros.
– As Nogais: rehabilitación do firme da LU-P-3702, das Nogais, por Nullán, a Lamas, entre os puntos quilométricos 0,195 e 2,200. Conta cun orzamento de 146.530 euros.
O proxecto que xa está finalizado para, previsiblemente, aprobalo na Xunta de Goberno do 30 de setembro, é o seguinte:
– Xermade: acondicionamento da LU-P-2204, de Momán ás Pontes a Porto Souto, entres os puntos quilométricos 2 e 4. Contan cun orzamento de 414.515 euros.
Parque Móbil
Ademais destas actuacións, o Goberno da Deputación decidiu empregar todos os medios do Parque Móbil para a execución deste Plan Integral de mellora da rede viaria provincia. Os 34 técnicos provinciais dos 3 equipos de rego e 2 limpeza actúan esta semana en vías da institución nos Concellos de Lugo, Baleira, Cospeito e Guitiriz. Este dispositivo traballará na totalidade da rede viaria provincial, estando, polo tanto, en todos os municipios lugueses.