Alfoz acolle o “Día do Compromiso Galego”

A Fortaleza do Castro en Alfoz acollía este sábado o “DÍA DO COMPROMISO GALEGO” no que se conmemora a entrada de Galicia na Sociedade de Nacións. Acudiron uns 50 militantes de CxG desde toda Galicia. Entre eles: María Xosé Alfonso, alcaldesa de Muros; Andrés Nuñez Rajoy, candidato número 1 por Pontevedra; Juan Carlos Piñeiro; candidato número 1 por Lugo; Xoan Bascuas, candidato á Presidencia da Xunta.

Andrés Nuñez Rajoy reclamou unha educación universal.

Piñeiro Docampo reclamou unha Galicia mellor conectada e con máis oportunidades para a xente nova.

Bascuas reivindicou que CxG é hoxe en día a única opción progresista que pode mudar Galicia.

CxG Lugo entregaba o galardón de Comprometido de Honra 2016 a Manoel Vello Salvado, Secretario de Organización de CxG, como recoñecemento á sua labor.

Para amenizar o acto, contaron coa actuación do grupo humorístico Trípode de Alfoz.