Nesta xuntanza, que será aberta para quen quixer asistir, poranse os primeiros piares do Club. O “Ría de Foz” pretende ser un espazo de encontro para todos os focegos e focegas amantes das diferentes disciplinas do atletismo. Neste proxecto queremos contar con todos os perfís, e con todas as idades, para encher un baleiro existente na nosa vila ata o día de hoxe.
Son moitas as persoas que están a empurrar para que este proxecto vexa a luz. De feito, na última edición da Run Foz Run, carreira de referencia no verán da Mariña, xa se puido ver os primeiros pasos do “Ría de Foz” como Club, que chegou a subir ao podio na competición por equipos.
Deste xeito, animamos a todas e todos os focenses a que se sumen a este proxecto comezando xa pola súa Asemblea Constituínte.