O discurso dos intervintes,entre os que había representantes de distintas asociacións gandeiras, organizacións sindicais e persoal investigador, centrouse nas dificultades que está a sufrir o sector debido ás duras políticas europeas e autonómicas. Do mesmo xeito, indicouse que é preciso repensar o modelo produtivo para non desvincular a investigación da produción e favorecer a creación de empresas no país adicadas á transformación e a aportar un valor engadido ao leite.
Álvarez expresou a súa satisfacción pola organización da mesa redonda, na que “realmente se aprenden os problemas do sector, fuxindo de tópicos ideas preconcebidas”. O candidato indicou a importancia de manter este tipo de xuntanzas a partir do día 26 de setembro e normalizar o diálogo entre representantes públicos e técnicos e expertos do sector.