Mondoñedo 6 de setembro de 2016.- A Concellaría de Educación e Xuventude e a Asociación Aseduc organizan este venres, 9 de setembro, unha nova actividade informativa sobre o VIH SIDA, que se inclúe no programa Infórmate…perde o medo, un proxecto de loita, acompañamento, prevención e información do VIH, SIDA pensado para aqueles lugares que menos capacidade teñen para ser beneficiarios deste tipo de actuacións.
O stand permanecerá aberto na Casa do Concello de 18:00 a 20:00 horas.
Entre os obxectivos do programa atópase mellorar a información, formación e prevención do VIH, concienciar das vantaxes do uso do preservativo, formar a pares e voluntarios mantendo a perspectiva de xénero, así como conseguir o impacto necesario nos medios de comunicación.
Probas rápidas do VIH
Ademais, o mesmo venres de 16:30 a 18:00 horas e dentro do mesmo programa Infórmate…Perde o medo, faranse probas rápidas do VIH a persoas con prácticas de risco, de xeito totalmente anónimo, no Centro de Información da Muller de Mondoñedo, situado na Avenida Obispo Fernández de Castro, no Barrio dos Muíños.