A Asociación de veciños do Burgo de Trasbar vendeu rifas co fin de recadar fondos para as festas patronais de Trasbar. O número da papeleta debería coincidir coas catro últimas cifras do primeiro premio do sorteo da ONCE do 19 de setembro de 2016. O número premiado no sorteo foi o 66965, polo que a papeleta gañadora foi a que tiña o número 6965. O agraciado foi José, propietario do bar Arenal de Burela, que xa recolleu o premio (500 €) no local social de Trasbar, das mans de quen lle vendeu a rifa, María Díaz.
