Seguindo coa filosofía de difundir unha alimentación máis saudable (pero tamén sabrosa), este fin de semana a chef Eva Crespo Vázquez imparte en Amodiño (Ribadeo) un completo curso de Cociña Vexetariana (sábado mañá e tarde e domingo pola mañá) no que poderemos aprender a elaborar pan e sobremsas e pratos moi nutritivos con proteína vexetal, con cereais, con froitos secos, con algas… E para o vindeiro sábado 22, dous obradoiros máis de xerminados (de 10.00 a 13.00 horas) e de zumes e batidos (de 16.00 a 19.00 horas).