O concelleiro nacionalista dixo que “agora estamos a facer durante estes días 500 lavados de contedores na zona rural. É a última fase desta campaña desenvolvida durante este 2016. De todos os xeitos si nalgún outro punto da vila ou das parroquias os contedores precisasen algún lavado ou actuación de aquí a finais de ano fariámolo desde o Concello. Iso que o teñan presente os veciños e as veciñas de Ribadeo”.
Díaz Freije pide desculpas polas molestias que se poidan ocasionar estes días: “o lavado de contedores vaise facer a primeira hora da mañá e desde o Concello pedimos desculpas polas molestias que se poidan causar ás veciñas e aos veciños das parroquias polas que pasaremos realizando estes traballos”.
Limpergal é a empresa luguesa que se encarga do lavado dos colectores verdes en Ribadeo.