As monitoras de Gaia acompañan ao alumnado do CEIP Virxe do Carme á Casa do Concello

Burela, 17 de novembro de 2016. Os alumnos de 1º de Primaria do CEIP Virxe do Carme foron de excursión este mércores por varias das dependencias do Concello de Burela. Primeiro visitaron a Casa Consistorial, onde a Policía Local traballou con eles as normas e sinais básicas de circulación, facendo fincapé en como teñen que comportarse cando son peóns, cando van en bici e cando se desprazan en coche.

A segunda parada desta excursión foi a Casa da Cultura, onde visitaron a biblioteca, o Auditorio e a exposicións que alberga. Os rapaces achegáronse así ao mundo da lectura e da arte, aprenderon: como teñen que facer para ser socios da biblioteca, para que serve ser socio, as normas que deben respectar e como deben buscar un libro. As monitoras de Gaia acompañaron aos escolares nesta visita por Burela.