O BNG critica a suba impositiva que ven de aplicar o goberno municipal do PSOE no último pleno municipal. O portavoz do BNG, Mario Pillado, afirmou que o IBI (Imposto sobre Bens Inmobles), máis coñecido como “contribución” verase incrementado o próximo ano debido á suba que acaba de aprobar o PSOE. A modificación da ordenanza fiscal que regula o IBI, contempla unha suba de case un punto porcentual, do 0,40 actual ao 0,48%.
En palabras de Pillado, “é unha mala nova para o conxunto dos veciños e veciñas de Burela, que verán incrementados os tributos que pagan polas súas vivendas o próximo ano, a pesar da redución do valor catastral da maioría dos inmobles do Concello, tras a última revisión efectuada polo Catastro”.
O portavoz nacionalista mostrouse moi crítico con Alfredo Llano, quen anunciaba hai uns meses a baixada do IBI para 2017, despois da revisión do valor catastral solicitada polo propio PSOE e dixo non entender a suba aprobada polo goberno municipal. “Se temos en conta o valor actual da vivenda, debería baixar a carga impositiva para a maioría dos veciños e veciñas, mentres que coa suba aprobada do 0,08%, que representa un 20% do valor anterior, o Concello ten previsto un incremento duns 350.000€ na recadación do IBI o próximo ano” indicou Pillado.
O máis grave de todo é a forma de actuar do Sr. Alcalde, que convocou o pleno tarde, mal e arrastro. “Non é de recibo actuar deste xeito, convocando un pleno extraordinario con carácter de urxencia para debater un tema que xa se coñecía desde hai meses e que mesmo se comunicou hai unhas semanas aos veciños e veciñas, mesmo antes de ser aprobada a suba do IBI en pleno”.
Aprobada a exención nas taxas polos dereitos de exame a persoas paradas, a proposta do BNG
Un dos aspectos positivos do pleno foi a derogación das taxas que estaban obrigadas a pagar as persoas desempregadas que quixesen concorrer a algunha proba de acceso convocada polo Concello. O grupo municipal do BNG foi moi crítico con esta taxa aprobada polo anterior goberno do PP, e xa presentara iniciativas hai máis dun ano para a modificación desta ordenanza fiscal, que era totalmente inxusta coas persoas desempregadas.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
O delegado territorial da Xunta en Lugo, Javier Arias, participou nos actos destacando o apoio do Goberno galego a este evento, declarado de Interese Turístico Galego, "que pon en valor o traballo das xentes do mar e a calidade dun produto recoñecido a nivel internacional". Tamén estivo presente a Deputada de Economía, Recadación, Facenda e Especial de Contas, Carmela López. A Deputación colaborou coa organización desta xornada cunha achega de 3.000 euros. Neste evento, que está declarado de Interese Turístico de Galicia, os asistentes puideron degustar a prezos populares o manxar elaborado de formas diferentes: en empanada, en caldeirada, á galega ou en salsa verde, entre outras.
Este xoves gozaron dunha xornada chea de diversión, con xogos grupais nos que aprenderon a colaborar e compartir, e actividades de manualidades onde deron renda solta á súa imaxinación. Un espazo para medrar, xogar e facer novas amizades.
A secretaria xeral Técnica, participou este mércores na Misa Solemne na honra da Virxe do Carme na Praza Conde de Fontao.
Está organizado en colaboración coa Federación Galega de Natación (FEGAN). Unha semana para aprender, mellorar e gozar deste deporte tan espectacular. Este sábado, de 10:00 a 12:00, celébrarase a exhibición final na piscina municipal, aberta ao público para ver o traballo realizado durante o campus.
O Deputado de Promoción Económica e Social, Pablo Rivera, asistiu este mércores na Praza Conde de Fontao de Foz á misa cantada polo coro Mar Aberto na honra á Virxe do Carme, patroa dos mariñeiros. A cerimonia celebrouse no marco da programación das Festas do Carme que organiza este municipio mariñán do 11 ao 17 de xullo. A este acto, que continuou coa tradicional ofrenda floral e a procesión, tamén asistiu o Alcalde de Foz e Deputado Provincial, Francisco Cajoto, membros da corporación municipal e numerosos veciños e veciñas e visitantes.
A cita celebrarase do 19 ao 21 de setembro no polideportivo deste municipio e contará coa participación de reputados profesionais do mundo da tornería. A institución provincial colabora un ano máis con este evento realizando unha achega económica de preto de 10.000€ e a impresión de 600 exemplares dun libro que se realizou polo 25 aniversario desta cita.
