Santiago de Compostela 3 de novembro de 2016.Os datos publicados polo Ministerio de Emprego e Seguridade Social poñen en evidencia a falta dunha política de emprego real por parte do Partido Popular.
En Galicia hai 44.685 persoas paradas máis, un número importante de cidadáns vivindo un drama, meses despois de que nos venderan a recuperación económica e Núñez Feijóo nos prometera que sería a lexislatura da creación de emprego.
Desde Compromiso por Galicia botamos en falta medidas concretas e pensamos que non se pode gobernar dependendo da inercia e dos contextos globais. Hai que aproveitar as ferramentas existentes para crear emprego estable.
Sorpréndenos que a Xunta se dedique a rebuscar nos datos e nas porcentaxes para disimular o seu fracaso, cando a realidade é que aumentou o paro, nun país que xera menos emprego que España e onde os diferenciais reducíronse durante os mandatos de Feijóo en máis da metade.