Santiago de Compostela, 15 de decembro de 2016.- Persoas socias da cooperativa Os Irmandiños participarán este venres na iniciativa “Coidar, coidarte”, onde profesionais en atención a persoas maiores e con dependencia explicarán os procesos asociados co envellecemento a nivel físico, emocional e social e darán pautas para reducir a deterioración que implica, a través da correcta alimentación e exercicios a nivel físico e mental para fomentar o envellecemento activo.
Ademais, explicaranse técnicas para o coidado no fogar de persoas maiores ou dependentes, tratando de mellorar o seu benestar co menor detrimento para coidadores e coidadoras.
Compromiso social
“Coidar, coidarte” é un programa social desenvolvido por AGACA con financiamento de Obra Social “la Caixa”. Durante o ciclo anterior, máis de cen persoas tomaron parte nas xornadas “Coidar, coidarte”.