Cinemas Viveiro acolle este venres por segundo ano consecutivo a iniciativa solidaria “Al cine por un juguete” coa proxección das película ‘El Principito’ ás 17:30 horas.
Do mesmo xeito que en anos anteriores o prezo da entrada serán xoguetes en bo estado, material escolar ou alimentos que Caritas recollerá na porta da sala e destinará aos máis necesitados.
Papa Noel estará connosco para axudarnos a recoller todo o que nos entreguen e facerse fotos con todos os nenos que o desexen.
Con “Al cine por un juguete” Cinemas Viveiro, Caritas e o Centro Comercial Histórico de Viveiro unen as súas forzas para axudar a que todas as familias da comarca poidan ter o mellor nadal posible.