Dous alumnos do CEIP de San Miguel de Reinante, gañadores do V Concurso Postais de Nadal convocado por FAPACEL

A Deputada de Cultura, Deseño e Artesanía, Pilar García Porto, participou este sábado na entrega de premios da V edición do Concurso Postais de Nadal que organiza a Federación de ANPAS de Centros de Ensino Público da provincia de Lugo (FAPACEL) e que tivo lugar na Sala dos Mosaicos do Museo Provincial de Lugo.

Nesta quinta edición do Concurso de Postais de Nadal participaron máis de 250 alumnos Rubén Pérez fixo de mestre de cerimonias dos premios, que contaron con animación musical por parte de Branca Villares e Pablo Pintor.

Os gañadores foron, na categoría Infantil, Derek García Mármol -do CEIP San Miguel de Reinante de Barreiros-; en Primaria I (1º a 3º), Sara Martínez Ibañez -do CEIP San Miguel de Reinante de Barreiros- e en Primaria II (4º a 6º), Nadie Ruiz Fernández -do CEIP San Xoán de Becerreá-.