O Museo Provincial do Mar continuaba este sábado 17 de decembro coas actividades que durante toda a fin de semana estamos levando a cabo no Museo Provincial do Mar (San Cibrao) con motivo do Día Internacional do Migrante. Membros do Club Pequeamig@s participaron no obradoiro Sociedades plurais e diversas, no que souberon que hoxe en día máis de 150 millóns de persoas no mundo viven lonxe dos seus países, dos que tiveron que marchar á procura dun futuro mellor por causas económicas, sociais, de catástrofes naturais ou por conflitos e guerras. Realizaron un collage con caras de persoas de diferentes etnias seguindo a máxima da Declaración Universal dos Dereitos Humanos, na que todos os seres humanos nacemos libre e iguais en dignidade e dereitos. Partindo da diversidade e heteroxeneidade é como debemos chegar a crear un mundo en común.
