Este sábado 10 de decembro A Pontenova celebra unha cita pioneira sobre a transformación do moble. A Casa da Cultura da vila acollerá dende ás 10.30 horas da mañá, unha xornada creativa coincidindo coa celebración da X feira de Artesanía e Antigüidades. Neste evento participarán reputados expertos nacionais, que amosarán con exemplos prácticos como coa reciclaxe, tatoos, ou mesmo as redes sociais poden empregarse para conseguir pezas únicas de moble.