Daniel Ibañes pechará a súa etapa en Burela en xuño

Burela 3-1-17. O técnico Daniel Ibañes deixará o banco do Pescados Rubén-Burela FS en xuño, coincidindo coa finalización do seu contrato de 2 anos. O hispano-brasileiro declinou a proposta do club laranxa para continuar á fronte do proxecto de Primeira LNFS o vindeiro exercicio.

Daniel Ibañes, que colleu as rendas do equipo na tempada 2015-16 substituíndo a Juanlu Alonso, pechou 2016 repetindo xesta na Copa de España e coa clasificación histórica para semifinais de Copa do Rei.

Nas próximas semanas, o club dará a coñecer o novo dirixente do equipo para 2017-18.