Foz, 19 de xaneiro de 2017. Entregados os premios aos gañadores do primeiro Campañazo de xaneiro deste 2017, que organiza o Centro Comercial Aberto. José Ramón Sánchez García recibiu 300 euros en vales de compra para gastar nos locais asociados ao CCA. Os premios foron entregados por Olaya Pedrosa, secretaria de ACIA/CCA de Foz, na Cafetería Expréss, desde onde o afortunado cantou o seu Campañazo o pasado venres, 13 de xaneiro. Os resto dos cartóns premiados tamén recibiron nas últimas horas os seus agasallos.
Mañá, 20 de xaneiro, terá lugar o segundo sorteo do Campañazo de xaneiro. Será ás 11 da noite e emitiranse en directo a través de Radio Foz, no 107.4 da FM. Cada venres ata o 3 de febreiro haberá 300 euros en vales para o Campañazo e outros tantos para os outros cartóns premiados.
