José Luis Fernández García foi o gañador do segundo campañazo de xaneiro do CCA. O afortunado recibiu xa o seu premio, 300 euros en vales de compra para gastar nos locais asociados

Foz, 26 de xaneiro de 2017. Nas últimas horas foron entregados os premios aos gañadores do segundo Campañazo de xaneiro deste 2017, que organiza o Centro Comercial Aberto. José Luis Fernández García recibiu 300 euros en vales de compra para gastar nos locais asociados ao CCA. Os premios foron entregados por Olaya Pedrosa, secretaria de ACIA/CCA de Foz, na Cafetería Xoyma, desde onde o afortunado cantou o seu Campañazo o pasado venres, 20 de xaneiro. O resto dos cartóns premiados tamén recibiron os seus agasallos.

Este venres, 27 de xaneiro, terá lugar o terceiro sorteo do Campañazo de xaneiro. Será ás 11 da noite e emitiranse en directo a través de Radio Foz, no 107.4 da FM. Esta nova edición do Campañazo do CCA de Foz remata o vindeiro 3 de febreiro.