Mondoñedo 6-1-17. A Asociación Salto do Coro, e o club tripenta de Lugo organizan o primeiro adestramento aberto de dúatlon para preparar as clasificatorias para o provincial.
A actividade realizarase o sábado 14 ás 16:30 na Alameda dos Remedios. Todos os participantes terán que estar inscritos no programa Xogade da Secretaría Xeral para ou Deporte da Xunta de Galicia e enfocarase dita actividade como un adestramento máis.
Nesta actividade colabora como sempre a Federación Galega de Dúatlon. O Club Tripenta de Lugo e a Federación Galega veñen colaborando desde hai anos para potenciar este deporte na nosa localidade.
Esta actividade serve tamén como presentación do patrocinio da Sección de Dúatlon de PANADERÍA BOUSO DE MONDOÑEDO, esta sección levará o nome do patrocinador representando o mesmo por toda Galicia.