O conxunto mariñán ten depositada toda a súa ilusión neste gran premio nunha etapa na que a liga lle está dando as costas. Mañá terá a oportunidade de pelexar por un soño que pode facer desaparecer todas as sensacións amargas que están xerando os resultados adversos das últimas semanas; a cita de Copa pode ser un refacho de aire fresco para que a escuadra laranxa recupere a boa senda de emocións e de números.
O vestiario laranxa non poderá contar con Cuco, Bellvert e Edu, por lesión. O último adestramento antes da cita será hoxe, ás 15.45 horas.
Nas filas de Imanol Arregui seguen sendo baixa Eric Martel e Víctor; Genario, a nova incorporación, non poderá debutar aínda.
Convocatoria Pescados Rubén Burela FS: 2. Sergio Cora, 5. Iago Míguez, 7. Isi, 9. Iago Rodríguez, 10. Matamoros, 11. Chano, 13. Álex, 17. Carlitos, 20. Miñano, 23. Antoñito, 27. Renato, 30 Hélder
Volta
A semifinal decidirase o martes 7 de febreiro en Anaitasuna, ás 20.00 horas, nunha semana na que navarros e galegos se volverán ver as caras en Vista Alegre, coa xornada 19 de liga.
Fin de Semana Laranxa
Vista Alegre volverá vestir as súas mellores galas para arrincar coa Fin de Semana Laranxa este venres, día 20, recibindo ao titánico Movistar Inter FS (21.00 horas), no terceiro e último Día do Club da tempada. O sábado, as pupilas de Lucas e Julio Delgado mediranse con Txantrea UDC en Primeira RFEF, ás 18.30 horas. A venda anticipada para a visita dos interistas estará aberta na sede laranxa mércores e xoves, de 10.00-14.00 e 16.00-19.00, e venres, de 10.00 a 14.00 horas; o prezo para non socios será de 15 €/adulto e 5 €/menor de 18 e para socios será de 5€/adulto e 1€/menor de 18.