O atletismo e o duatlón de Salto do Coro inician o seu traballo

Salto do Coro iniciou o seu traballo e as competicións da súa sección de atletismo este domingo en Vilalba con 10 alumnos que participaron no zonal de campo a través.
Destacar o traballo de todos os alumnos, ata daqueles que non puideron acudir á devandita proba, sendo nesta escola un total de 16 alumnos apuntados.
Dentro dos resultados destacar o terceiro posto de Marta Rivas Cabanas en alevín feminino e o segundo posto por equipos na devandita categoría clasificándose todas estas nenas para o provincial que se celebrará o día 19 en Lourenzá.
Ese mesmo día, alumnos das escolas dentro da sección de duatlón patrocinada por panadería Bouso irán a unha proba de dúatlon ao Franco en Asturias.