Segunda etapa do Camiño do Cantabrico organizada por Pasada das cabras de Burela
redac
De auténticos sobreviventes podemos considerar aos senderistas de Pasada das Cabras de Burela, despois de realizar este sábado a 2ª etapa do Camiño do Cantábrico. Participamos un total de 80 senderistas e cun temporal de vento e choiva percorremos o 12 Km. que separan as localidades de Ribadeo e Rinlo. Debido ás condicións climatolóxicas non puidemos gozar plenamente da extraordinaria beleza deste tramo: a Ponte dos Santos, O Cargadoiro, o Forte de San Damian, o Faro da Illa Pancha …., e por ultimo o pintoresco porto de Rinlo, aínda que as mesmas circunstancias que dificultaron a ruta engadiron beleza ao percorrido, pola forza do mar.
