A bibliotecaria municipal, María Jesús Álvarez Sánchez, comentou que foi unha “divertida sesión da adaptación do libro A Galiña Azul, de Carlos Casares, a cargo de Ubú Teatro, unha produción de Editorial Galaxia dentro do programa de dinamización lingüística FalaRedes, da Xunta de Galicia, para dar a coñecer aos máis pequenos a obra do homenaxeado este ano no Día das Letras Galegas”.
A seguinte actividade dentro da Programación das Letras organizada pola biblioteca municipal de Foz será o día 19 de abril, mércores, ás 18:30 horas. A compañía Elefante Elegante representará a obra Lobo bobo.