Elas son Mirella Ramos, Andrea Rivas e Tania Valiña. Por segundo ano consecutivo o IES Perdouro de Burela estará presente na fase final deste certame nacional. Despois de catro meses competindo con institutos de toda España, as alumnas lograron clasificarse para a fase final xunto con outros 12 equipos galegos.
No concurso participaron un total de 2.887 equipos de toda España. Os 100 mellores equipos clasificados xogarán a final en Madrid o próximo 31 de marzo.
Para chegar a final as integrantes do equipo PatakeirasSL tiveron que competir por Internet durante catro meses. Un simulador empresarial permitiulles enfrontarse a estudantes doutras rexións españolas, desenvolvendo diversas habilidades como o tratamento da información, o manexo eficaz da tecnoloxía ou o traballo en equipo. Asemade, o máis importante foi a elaboración de xuízos e toma de decisións relativas á empresa que engloban as áreas de produción, finanzas, recursos humanos e marketing, para conseguir que os resultados da mesma prosperaran.
Equipos Galegos clasificados
A Coruña
IES Pontepedriña, Santiago de Compostela
IES Eduardo Pondal, Santiago de Compostela
IES Fontexería, Muros
Lugo
IES Río Cabe, Monforte de Lemos
IES Perdouro, Burela
Ourense
IES Lagoa de Antela, Xinzo de Limia
Pontevedra
IES San Tomé de Freixeiro, Vigo (2 equipos)
IES Monte da Vila, O Grove (2 equipos)
Colegio Fomento Montecastelo, Vigo
IES A Basella, Vilanova de Arousa