Este venres, no restaurante A Lonxa de Burela reuníronse máis de corenta persoas para celebrar a prexubilación de Paco R. Salgueiro. A comida serviu de homenaxe e punto de encontro de moitos dos compañeiros e compañeiras, tanto en activo como xa xubilados, cos que Salgueiro compartiu a súa vida laboral.
Nos case 39 anos que leva formando parte do persoal da factoría, desde que en 1978 entrou no Taller Central , Salgueiro desempeñou distintas funcións na planta de Alúmina: en Produción, Expedicións e administración, Seguridade e ABS, ata Planificación na actualidade.
