En Francia deron comezo esta semana as saídas formativas de Apaga a 11 países da unión europea

Ribadeo, 22 de marzo de 2017. Do 20 ao 25 de marzo está a ter lugar a primeira saída formativa de Apaga (Asociación de Profesores de Automoción de Galicia) deste 2017. Catro mestres atópanse en Francia participando no proxecto Coñecemento e Formación para a Empregabilidade. En La Roche Sur Yon están a visitar o Lyceé Saint FranÇois d’Assise, así coma varias empresas desa localidade francesa.

Apaga aproveita estas viaxes formativas para dar a coñecer os atractivos turísticos do norte de Lugo, dentro do proxecto de internacionalización no que leva meses traballando. Faino distribuíndo exemplares da guía The North of Lugo, editada por esta asociación e por Faro Norte Comunicación. En La Roche Sur Yon repartirán mais de medio cento de exemplares en todos os puntos que visiten estes días.

Corenta e catro profesores de Apaga desprazaranse de marzo a xuño a Francia, Dinamarca, Croacia, República Checa, Portugal, Finlandia, Alemaña, Austria, Estonia, Holanda e Italia.

A seguinte saída será a Dinamarca do 26 de marzo ao 1 de abril.