Neste senso o alcalde de Cervo, Alfonso Villares sinalou que “aínda que sabemos que a súa implantación non é obrigatoria, consideramos e valoramos que sempre resulta positivo dispoñer dun aparello fixo nunha instalación deportiva como esta, que conta ademais con ximnasio e sauna, e que é utilizada a diario por un gran número de usuarios, sempre baixo a supervisión de persoal cualificado da propia piscina, na que ademais, hai moitas actividades dirixidas a persoas da terceira idade, máis propensas, en principio, a padecer unha doenza deste tipo”.
Este desfibrilador –engadiu- “súmase así a outros dous que van incorporados nos vehículos de emerxencias municipais, preparados para atender no menor tempo posible calquera emerxencia cardíaca que se poida presentar e cos que xa quedaba garantida a cobertura en todo o municipio”.
Dende o Concello -engadiu- “pretendemos seguir a apuntalar a seguridade e benestar dos nosos veciños, e por iso temos previsto incorporar proximamente un cuarto desfibrilador no complexo deportivo da Veiga, onde se atopa o Pavillón de Deportes, Campo de Fútbol e dúas Pistas de Pádel.
O desfibrilador instalado na piscina foi doado pola Fundación Alcoa e será manipulado por persoal municipal cualificado da propia instalación. Todos eles están en posesión da formación requirida nesta materia pola Comunidade Autónoma de Galicia.