O V Festi-Val de Cine de Alfoz e O Valadouro pechou o pasado sábado día 18 de marzo na Casa da Cultura “Manuel Lourenzo” de Ferreira do Valadouro, coa proxección do filme “Lobos sucios”, de Simón Casal, e o documental do SEVA sobre o “Mercado de Primavera de Ferreira 2016”. Estiveron presentes no acto o Director de “Lobos sucios”, Simón Casal, así como a produtora e guionista Paula Cons, que conversaron cos asistentes sobre os detalles do filme, que foi moi ben acollido entre o público.