Eses invitados no bodorrio da filla de aznar son os mesmos que hoxe, desde o banquiño dos indecentes, queren zafarse de ser xulgados como mangallans, e para iso vale todo, igual para delinquir que para librarse das penas. Hipocresía en grado superlativo que non lles provoca nin tan sequera sonroxo, insistindo coa tozudez que lles caracteriza en difundir o torticeiro argumento de que o que se está xulgando hoxe son delitos do pasado.
Definitivamente trátannos de subnormales. Seica se poden xulgar hoxe delitos que aínda non se cometeron? Imos, isto xa non é manipulación da linguaxe, é un ataque frontal á intelixencia , quérennos ofuscar, enredar na confusión, facernos perder o tempo e distraernos para que non esteamos atentos ao gravísimo que está ocorrendo en estrados xudiciais.
O peor de todo son as tragaderas que temos, bótannos os delitos, as mentiras e as trampas a paladas e abrimos a boca para non perdernos nada. E, despois, sumisos, imos ás urnas e votamos a esa panda.