A biblioteca pública municipal de Foz celebra a Semana do Libro cunha representación teatral infantil mañá, mércores, día 19, ás 18:30 horas. Elefante Elegante presentará a obra Lobo Bobo, na que Gonçalo Guerreiro mestura os contos de sempre para crear unha nova historia na que conviven o cómico e o poético co teatro xestual e a música. Ten unha duración de 40 minutos e está dirixida a nenos e nenas de 3 a 8 anos de idade.